THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

WANAFUNZI 346 WA KIDATO CHA KWANZA WILAYANI KAKONKO KUANZA MASOMO MWISHONI MWA APRILI

Na Rhoda Ezekiel, Kigoma 

WANAFUNZI 346 wa kidato cha kwanza katika Wilaya Kakonko mkoani Kigoma ambao walikuwa hawajaanza masomo kutokana na shule walizopangiwa kuwa na uhaba wa madarasa wanatarajia kuanza masomo mwishoni mwa Aprili mwaka huu.

Hatua hiyo inatokana na jitihada za Serikali wilayani humo kuhakikisha wanafunzi waliofaulu na kutakiwa kujiunga na masomo ya kidato cha kwanza wanakwenda shuleni.

Akizungumza hivi karibuni Ofisa elimu kwa Shule za Sekondari wilaani hapa Christopha Bukombe amesema miongoni mwa wanafunzi 1,714 waliofaulu kuingia kidato cha kwanza walishindwa kuripoti ni 346 waliopangiwa katika shule ya Kanyonza, Muhange na Gwanumpu.
Bukombe ametoa takwimu hizo baada ya kupokea msaada wa mifuko ya saruji na mabati 60 kwa ajili ya kumalizia ujenzi wa vyumba vya madarasa vitano na baada ya mwezi huu kuisha wanafunzi watajiunga kutokana na changamoto kutatuliwa.

Amesema katika shule ya Kanyonza kuna wanafunzi 78, Muhange 97 na Gwanumpu 171 ambapo kutokana na upungufu huo walianza kuhamasisha wananchi kuchangia na Serikali imetoa Sh.milioni 8 katika shule mbili za Kanyonza na Gwanumpu na Sh.milioni 4 kwa shule ya Muhange.

Mchango huo wa umetolewa na Mkuu wa Wilaya hiyo kwa lengo la kutatua changamoto hiyo na wanafunzi wataanza masomo kwani walichokuwa wanasubiri fedha kutoka Serikalini.Aidha Mkuu wa Wilaya ya Kakonko Kanali Hosea Ndagala amekabidhi saruji na mabati hayo kwa lengo la kuunga mkono jitihada za wananchi ambazo wamezionesha.

Amewapongeza watendaji wa kijiji, madiwani na wenyeviti wa vijiji kwa jitihada zao kubwa katika kufanikisha ujenzi wa madarasa ili wanafunzi wapate elimu.Amesema Serikali inatamani kuona kila mtoto anapata elimu na ni jukumu la wazazi kujitoa ili kutatua baadhi ya changamoto zinazo jitokeza, kwani Serikali haiwezi kufanya kila kitu.
"Niwaombe wananchi mnapoambiwa elimu bila malipo si kwamba hata kujitolea kwenye ujenzi mshindwe, watoto ni wa kwenu lazima mnapoona Serikali haijakamilisha jambo fulani mfanye wenyewe suala hili ni letu sote.

"Lazima wanafunzi wote wapate elimu ni haki yao hakuna urithi mwingine tutakao waachia watoto wetu zaidi ya elimu lazima mtambue kuna michango mingine Wananchi wanatakiwa kuchangia kuhakikisha changamoto hizi zinakwisha,"amesema Kanali Ndagala.

Akizungumza kwa niaba ya wananchi Diwani wa Kata ya Gwanumpu, Toy Butono amemshukuru Mkuu wa Wilaya kwa kutoa msaada huo na kuwaomba wananchi kuendelea kuchangia.


WAGONJWA 19,371 WATIBIWA KATIKA TAASISI YA MOYO JAKAYA KIKWETE KUTOKA JANUARI HADI MACHI 2018.

Taasisi ya Moyo Jakaya Kikwete (JKCI) kwa kipindi cha miezi mitatu ya Januari hadi Machi 2018 imeona jumla ya wagonjwa 19,371 wenye matatizo mbalimbali ya moyo kati ya hao wagonjwa wa nje ni 18,481 na waliolazwa ni 890.

Wagonjwa 105 walifanyiwa upasuaji wa moyo wa kufungua kifua kati ya hao watu wazima 53 na watoto 52. Kati ya wagonjwa 105 waliofanyiwa upasuaji 66 walifanyiwa na madaktari wetu bingwa wa magonjwa ya moyo watoto wakiwa ni 35 na watu wazima 31.

Upasuaji wa moyo wa bila kufungua kifua (Catheterization) kwa kutumia mtambo wa Cathlab ulifanyika kwa wagonjwa 231 kati ya hao watoto ni 20 na wakubwa 211. Kati ya wagonjwa 231 waliotibiwa wagonjwa watu wazima 211 walifanyiwa upasuaji na madaktari wetu wa ndani.

Kwa kipindi cha miezi mitatu tumekuwa na jumla ya kambi za matibabu nane (8) ambapo tulifanya matibabu kwa kushirikiana na washirika wetu kutoka nchi za Ujerumani, Israel, Australia , Marekani, India na Falme za Kiarabu. Katika kambi hizo jumla ya wagonjwa 39 walifanyiwa upasuaji wa kufungua kifua kati ya hao watoto 17 na watu wazima 22. Wagonjwa 72 walifanyiwa upasuaji wa bila kufungua kifua kati ya hao watoto 20 na watu wazima 52.

Tumefanya upasuaji wa kuunganisha mishipa ya damu (AVF- Arterio Venous Fistula) kwa ajili ya kusafishia damu kwa wagonjwa wenye matatizo ya figo (Hemodialysis) 36.


RAIA WA KIGENI WATAKIWA KUACHA KUINGILIA ZOEZI LA UANDIKISHWAJI VITAMBULISHO VYA TAIFA

Editha Karlo,Kasulu.

MWENGE wa Uhuru 2018 unaondelea na mbio zake katika Mkoa wa Kigoma umewataka raia wa kigeni kuacha kuingiliza zoezi la uandikishwaji wa vitambulisho vya Taifa  linaloendelea sasa Mkoani humo, kwakuwa zoezi hilo ni haki ya Watanzania.

Mmoja wa wakimbiza mwenge Kitaifa   Dominik Njunwa  aliyasema hayo wakati akitoa ujumbe wa Mwenge, Katika Kijiji cha Shunga  Wilayani Kasulu wakati wa ufunguzi wa bwalo la kulia chakula katika Shule ya Sekondari Muyovozi, ambapo aliwaomba Watanzania waishio jirani na Nchi ya Burundi kuwafichua wale wote wasio Raia wa Tanzania  watakao jitokeza kujiandikisha katika zoezi la upatikanaji wa vitambulisho vya Taifa.

Njunwa alisema hairuhusiwi Raia yeyote asie Mtanzania kujiandikisha kwa ajili ya kupata vitambulisho vya Taifa, kwakuwa vitambulisho hivyo vinatolewa kwa Watanzania pekee na ni kosa kubwa kwa Raia wa Nchi nyingine kupata kitambulisho hicho .

 Kaimu Mkuu  wa Wilaya  ya Kasulu ambae pia ni Mkuu wa Wilaya ya Kakonko, Kanali Hosea Ndagala aliwataka viongozi wa Vijiji na mitaa kuacha kuhujumu zoezi hilo la kuandukisha vitambulisho vya Taifa  kwa kuwaingiza watu wasio Watanzania iliwaweze kupata vitambulisho kwa atakae bainika anafanya hivyo atachukuliwa hatua za kisheria.

Mkuu huyo wa Wilaya  aliwataka wananchi kuwafichua wale wote wanaowahofia kuwa sio Raia wanaojitokeza kujiandikisha kwa ajili ya Kupata vitambulisho vya Taifa na kuwaripoti kwa vyombo husika ili kuweza kuchukuliwa hatua za Kisheria na waondolewe katika zoezi hilo.

Kanali Ndagala alisema zoezi hilo ni kwa Watanzania tu wanapopatiwa vitambulisho,Raia wasio wa Tanzania ni kosa na inaweza kuleta shida katika Taifa la Tanzania na Kuwaonya kuwa makini ili kuendeleza hali ya usalama hasa Kwa Mikoa iliyopo karibu na Nchi jirani za Burundi na Congo.

" Kuanzia Mwakani  Mtanzania akiwa na kitambulisho cha Taifa  anauwezo wa Kupata hati ya kusafiria wanapopata watu wasio Raia wakipata hati zetu za kusafiria inatupa shida sana na wanatumia kwa kufanya uhalifu jambo ambalo sio zuri katika Taifa letu marufuku kabisa kwa raia asie Mtanzania kuchukua Kitambulisho cha utaifa ", alisema Ndagala.

Mwenge wa Uhuru Wilayani Kasulu umekagua na Kuzindua Miradi 13 yenye thamani ya zaidi ya bilioni tano  miradi hiyo ni ya Maji, Afya na Maji na sambamba na Miradi hiyo Mwenge huo umezindua Kituo cha Afya Katika Kijiji cha Shunga kilicho jengwa na Kanisa la Agrikana  Dayosisi ya Westeni Tanganyika.
 Kiongozi wa mbio za mwenge wa uhuru mwaka 2018 Charles Kabeho akimtwisha ndoo ya maji mmoja wa Wakazi wa kijiji cha Nyamidaho Wilayani Kasulu baada ya mwenge kuzindua mradi huo wa maji
Kiongozi wa mbio za mwenge 2018 Charles Kabeho akifungua Club ya wapinga rushwa katika sekondari ya Titye Wilayani Kasulu


Makomandoo wa Tanzania wafanya yao Darfur, watunukiwa nishani


RAIS DKT MAGUFULI ATOA MKONO WA POLE KWA FAMILIA YA MRISHO GAMBO

  Rais wa Jamhuri ya Muungano wa Tanzania Dkt John Pombe Magufuli akiwasili mtaa wa Muheza Kariakoo jijini Dar es salaam kutoa pole kwa familia ya Mzee Mashaka Gambo kwa kufiwa na mkewe ambaye pia ni mama mzazi wa  Mkuu wa Mkoa wa Arusha Mhe. Mrisho Gambo kwa kufiwa na mama yake mzazi Marehemu Rehema Paul Mumbuli leo Aprili 18, 2018.
 Rais wa Jamhuri ya Muungano wa Tanzania Dkt John Pombe Magufuli akiweka saini kwenye kitabu cha maombolezo baada ya kuwasili mtaa wa Muheza Kariakoo jijini Dar es salaam kutoa pole kwa familia ya Mzee Mashaka Gambo kwa kufiwa na mkewe ambaye pia ni mama mzazi wa Mkuu wa Mkoa wa Arusha Mhe. Mrisho Gambo kwa kufiwa na mama yake mzazi Marehemu Rehema Paul Mumbuli  leo Aprili 18, 2018. 
 Rais wa Jamhuri ya Muungano wa Tanzania Dkt John Pombe Magufuli akimpa pole Mzee Mashaka Gambo kwa kufiwa na mkewe Marehemu Rehema Paul Mumbuli ambaye pia ni mama  wa Mkuu wa Mkoa wa Arusha Mhe. Mrisho Gambo  leo Aprili 18, 2018.
  Rais wa Jamhuri ya Muungano wa Tanzania Dkt John Pombe Magufuli akimpa pole  Mkuu wa Mkoa wa Arusha Mhe. Mrisho Gambo alipofika nyumbani kwao mtaa wa Muheza Kariakoo jijini Dar es salaam kumfariji kwa kufiwa na mama yake mzazi Marehemu Rehema Paul Mumbuli  leo Aprili 18, 2018.
 Mama janeth Magufuli akimpa pole  Mkuu wa Mkoa wa Arusha Mhe. Mrisho Gambo alipofika nyumbani kwao mtaa wa Muheza Kariakoo jijini Dar es salaam kumfariji kwa kufiwa na mama yake mzazi Marehemu Rehema Paul Mumbuli  leo Aprili 18, 2018.
 Mama Janeth Magufuli akimpa pole Mzee Mashaka Gumbo kwa kufiwa na mkewe ambaye pia ni mama mzazi wa  Mkuu wa Mkoa wa Arusha Mhe. Mrisho Gambo alipofika nyumbani kwao mtaa wa Muheza Kariakoo jijini Dar es salaam kuwafariji  leo Aprili 18, 2018.
  Rais wa Jamhuri ya Muungano wa Tanzania Dkt John Pombe Magufuli akiaga waombolezaji baada ya kutoa mkono wa pole kwa familia ya Mzee Mashaka Gambo kwa kufiwa na mkewe ambaye pia ni mama mzazi wa Mkuu wa Mkoa wa Arusha Mhe. Mrisho Gambo kwa kufiwa na mama yake mzazi Marehemu Rehema Paul Mumbuli  leo Aprili 18, 2018. Picha na IKULU


Waziri Kamwelwe aainisha mikakati ya Serikali utekelezaji miradi mikubwa ya Maji


ALI KIBA AFUNGA NDOA YA KIFAHARI MJINI MOMBASA NCHINI KENYA,KURUSHWA LIVE JIONI YA LEO

Mwanamuziki mahiri wa Bongofleva nchini Ali Kiba, leo amefunga ndoa na Binti wa Kimombasa ajulikanae kwa jina la Bi.Amina Khalef,ndoa hiyo imefungwa katika msikiti wa Ummu Kulthum uliopo mjini Mombasa nchini Kenya,ambapo hafla hiyo imehudhuriwa na watu wa aina mbalimbali wakiwemo mashuhuri .Aidha taarifa zinaeleza kuwa Harusi hiyo itakayokuwa ya aina yake itarushwa LIVE  na kituo cha televisheni ya AZAM jioni ya leo.
 
Mwanamuziki mahiri wa Bongofleva nchini  Ali Kiba akizungumza na 'mpambe' wake leo wakati akifunga ndoa na Binti wa Kimombasa ajulikanae kwa jina la Bi.Amina Khalef,ndoa hiyo imefungwa katika msikiti wa Ummu Kulthum uliopo mjini Mombasa nchini Kenya.
 Alikiba akifurahia jambo na marafiki zake mara baada kufunga ndoa 
 Ali Kiba akifurahia jambo akiwa na ndugu,jamaa na marafiki zake waliomsindikiza kwenye kuchukua 'jiko' mapema leo asubuhi huko mjini Mombasa. 
Msanii alikiba na Wapambe wake wakielekea kufunga ndoa.


RAIS DKT MAGUFULI AJULIA HALI WAGONJWA WALIOLAZWA KATIKA TAASISI YA MOYO YA JAKAYA KIKWETE JIJINI DAR ES SALAAM LEO





Rais wa Jamhuri ya Muungano wa Tanzania Dkt. John Pombe Magufuli na mkewe mama Janeth Magufuli wakimjulia hali Waziri wa zamani wa Viwanda na Biashara Dkt. Juma Ngasongwa walipotembelea Taasisi ya Moyo ya Jakaya Kikwete jijini Dar es salaam kuwajulia hali wagonjwa leo Aprili 18, 2018
Rais wa Jamhuri ya Muungano wa Tanzania Dkt. John Pombe Magufuli na mkewe mama Janeth Magufuli wakimjulia hali Mzee Celestine Bulima walipotembelea Taasisi ya Moyo ya Jakaya Kikwete jijini Dar es salaam kuwajulia hali wagonjwa leo Aprili 18, 2018
Rais wa Jamhuri ya Muungano wa Tanzania Dkt. John Pombe Magufuli na mkewe mama Janeth Magufuli wakipata maelezo toka kwa Mkurugenzi Mtendaji wa Taasisi ya Moyo ya Jakaya Kikwete jijini Dar es salaam Profesa Mohamed Janabi walipotembelea taasisi hiyo kuwajulia hali wagonjwa leo Aprili 18, 2018

Rais wa Jamhuri ya Muungano wa Tanzania Dkt. John Pombe Magufuli nakiagana na Mkurugenzi Mtendaji wa Taasisi ya Moyo ya Jakaya Kikwete jijini Dar es salaam Profesa Mohamed Janabi walipotembelea taasisi hiyo kuwajulia hali wagonjwa leo Aprili 18, 2018 .Picha na IKULU


NEWS ALERT: Rais Magufuli amteua Prof. Idris Kikula kuwa Mwenyekiti wa Tume ya Madini

KURUGENZI YA MAWASILIANO YA RAIS IKULU


JAMHURI YA MUUNGANO WA TANZANIA
Description: Description: Description: Description: Description: Coat of Arms
Simu: 255-22-2114512, 2116898
E-mail: press@ikulu.go.tz
Tovuti : www.ikulu.go.tz               

Faksi: 255-22-2113425



OFISI YA RAIS,
     IKULU,
1 BARABARA YA BARACK OBAMA,   
11400 DAR ES SALAAM.
Tanzania.

Ikulu, Dar es salaam.
Rais wa Jamhuri ya Muungano wa Tanzania Mhe. Dkt. John Pombe Magufuli amemteua Prof. Idris Suleiman Kikula kuwa Mwenyekiti wa Tume ya Madini.
Taarifa iliyotolewa na Katibu Mkuu Kiongozi Balozi John Kijazi imeeleza kuwa uteuzi wa Prof. Kikula umeanzia tarehe 17 Aprili, 2018.
Taarifa hiyo imeongeza kuwa Mhe. Rais Magufuli amewateua Makamishna wa Tume ya Madini kama ifuatavyo:
  1. Bw. Doto James – Katibu Mkuu, Fedha na Mipango.
  2. Bi. Dorothy Mwanyika – Katibu Mkuu, Ardhi na Maendeleo ya Makazi.
  3. Dkt. Florens Turuka – Katibu Mkuu, Ulinzi na Jeshi la Kujenga Taifa (JKT).
  4. Mhandisi Musa Iyombe – Katibu Mkuu Ofisi ya Rais, Tawala za Mikoa na Serikali za Mitaa (TAMISEMI).
  5. Bw. Haroun Athuman Kinega – Mtendaji Mkuu wa Shirikisho la Vyama vya Wachimbaji wa Madini (FEMATA).
  6. Dkt. Evaristo Emmanuel Longopa – Naibu Mwanasheria Mkuu wa Serikali.
  7. Prof. Abdulkarim Hamis Mruma – Mkurugenzi wa Taasisi ya Jiolojia na Utafutaji Madini Tanzania (GST).
  8. Dkt. Athanas Simon Macheyeki – Katibu Mtendaji wa Taasisi ya Uhamasishaji, Uwazi na Uwajibikaji katika Rasilimali za Madini, Mafuta na Gesi Asilia (TEITI).
Wakati huo huo, Mhe. Rais Magufuli amemteua Balozi Mstaafu Daniel Ole Njoolay kuwa Mwenyekiti wa Bodi ya Mpango wa Kurasimisha Rasilimali na Biashara za Wanyonge Tanzania (MKURABITA).
Uteuzi wa Balozi Mstaafu Njoolay umeanza tarehe 17 Aprili, 2018.


Gerson Msigwa
Mkurugenzi wa Mawasiliano ya Rais, IKULU
Dar es Salaam

18 Aprili, 2018


UJANGILI NCHINI WAPUNGUA KWA ZAIDI YA ASILIMIA 50 - DK. KIGWANGALLA


Na Hamza Temba-Dodoma

Serikali imefanikiwa kudhibiti vitendo vya ujangili hapa nchini kwa zaidi ya asilimia 50.

Hayo yameelezwa jana na Waziri wa Maliasili na Utalii, Dk. Hamisi Kigwangalla wakati akizungumza na Balozi wa Uingereza hapa nchini, Sarah Cooke ofisini kwake mjini Dodoma.

Mazungumzo hayo yalilenga kujadili mambo mbalimbali ikiwemo kuimarisha ushirikiano baina ya nchi hizo mbili katika sekta ya uhifadhi na maendeleo ya utalii.Dk. Kigwangalla alisema katika kipindi cha miezi sita iliyopita hakuna mauaji mapya ya wanyamapori yaliyoripotiwa na kwamba nyara zinazokamatwa hivi sasa ikiwemo meno ya tembo na ngozi za wanyamapori ni masalia ya zamani.

Amesema mafanikio hayo yametokana na juhudi mbalimbali zinazofanywa na Serikali kudhibiti vitendo vya ujangili ikiwemo doria za mara kwa mara za kiitelijensia ambazo zimekuwa zikishirikisha vyombo mbalimbali vya ulinzi na usalama pamoja na raia wema. 

Alisema Serikali itaendelea kudhibiti vitendo hivyo kwa kuimarisha ulinzi katika maeneo ya hifadhi nchini ikiwa ni pamoja na kuanzisha jeshi maalum la usimamizi wa Misitu na Wanyamapori, Sheria ya wanyamapori na za taasisi za uhifadhi zimeanza kufanyiwa marekebisho kuwezesha mabadiliko hayo.

Katika hatua nyingine Dk. Kigwangalla amemueleza balozi Cooke kuwa, Serikali kupitia Wizara yake inaendelea kuimarisha  vivutio vya utalii hapa nchini kwa kupanua jeografia ya maeneo ya utalii sambamba na kuongeza vivutio ili kuongeza idadi ya watalii na mapato.


Waziri wa Maliasili na Utalii, Dk. Hamisi Kigwangalla akizungumza na balozi wa Uingereza hapa nchini, Sarah Cooke ofisini kwake mjini Dodoma jana ambapo walijadili mambo mbalimbali ya kuimarisha ushirikiano katika sekta ya uhifadhi na maendeleo ya utalii.
Waziri wa Maliasili na Utalii, Dk. Hamisi Kigwangalla akiagana na msafara wa balozi wa Uingereza hapa nchini, Sarah Cooke ofisini kwake mjini Dodoma jana ambapo walijadili mambo mbalimbali ya kuimarisha ushirikiano katika sekta ya uhifadhi na maendeleo ya utalii.

HABARI ZAIDI BOFYA HAPA


WADAU WA DAWA WATAKIWA KUCHANGAMKIA FURSA

Nteghenjwa Hosseah, OR-TAMISEMI.
Naibu Waziri Ofisi ya Rais Tamisemi, Josephat Kandege amewataka wauzaji, waagizaji, wasambazaji na wadau wote wa dawa pamoja na Vifaa Tiba Nchini kuchangamkia fursa inayotolewa na Serikali ya kuwa Mshitiri mteule ‘Prime Vendor’ kusaidia katika utoaji wa dawa katika Mikoa yote Tanzania. 
Kandege ameyasema hayo wakati akifungua kikao cha Wadau wa dawa  ‘Vendors Forum’ kilichoandaliwa na Ofisi ya Rais Tamisemi kwa kushirikiana na wadau wa Afya ‘HPSS’ chenye lengo la kuweka uelewa wa pamoja kuhusu uanzishwaji na utekelezaji wa mfumo wa Mshitiri.
Amesema “mfumo huu utatumika kupata mahitaji ya bidhaa za Afya pale ambapo vituo vya kutolea huduma za Afya vya Umma vitakosa au kupata kiwango pungufu toka Bohari Kuu ya Dawa na pia utasaidia kupunguza kero za Afya ikiwemo uhaba wa upatikanaji wa dawa kwenye vituo vya kutolea huduma za Afya”.
Sasa basi ninyi kama wazabuni muhimu katika sekta hii ya Afya wenye Uzalendo na nia njema na Nchi ya Tanzania mnatakiwa kujitokeza katika mchakato wa kumpata Mshitiri (Prime Vendor) wa kila Mkoa ambaye atakidhi vigezo kwa mujibu wa taratibu manunuzi alisema Mhe. Kandege.
Wakati huo huo Naibu Waziri Kandege aliwafahamisha wadau wa dawa kuwa Serikali imagatua mipango na bajeti kwenye vituo vya kutolea huduma za Afya na inapeleka Fedha moja kwa moja kwenye akaunti za benki zilizofunguliwa katika kila kituo hii itasaidia katika kufanya manunuzi ya dawa hizo na kurahisha mchakato wa malipo. 
“Hivyo niwahakikishie kuwa utaratibu wa malipo utakua ni rahisi na wa haraka zaidi kwa kuwa Hospital, Vituo vya Afya na Zahanati husika zitahusika kuagiza dawa kwa Mshitiri pale mahitaji ya dawa hizo zitakapokosekana kutoka MSD” alisema Mhe. Kandege.
Alimalizia kwa kuwataka Wadau wote wa Dawa kutumia kikao hiki kuelewa kwa undani kuhusu utaratibu huu na kujitokeza kwa wingi katika mchakato wa kumpata Mshitiri Mteule kwani zoezi hili litaendeshwa kwa uwazi na kwa usindani mkubwa.

  Naibu Waziri wa Ofisi ya Rais TAMISEMI, Josephat Kandege(mbele) akifungua kikao cha wadau wa Afya ‘Vendor Forum’ kilichofanyika katika Ukumbi wa Dodoma Hotel.
Mkurugenzi wa Afya Ofisi ya Rais Tamisemi, Dr. Ntuli Kapologwe akitoa maelezo ya awali kabla hajamkaribisha mgeni rasmi kufungua kikao cha wadau wa Afya Vendor Forum.
 Mfamasia Mwandamizi  toka Ofisi ya Rais Tamisemi, Regina Richard akielezea malengo la kikao cha Wadau wa Dawa ‘Vendor Forum’ kilichofanyika katika ukumbi wa Dodoma Hotel mapema.
  Wataalam toka Idara ya Afya Ofisi ya Rais-TAMISEMI pamoja na wadau wa Dawa wakiwa katika kikao maalum cha wadau wa dawa.
Naibu Waziri wa Ofisi ya Rais TAMISEMI, Josephat Kandege(mbele katikati) katika picha ya pamoja na baadhi ya wataalamu na wadau wa dawa.


Astashahada, Stashahada Msizipe Kisogo: Waziri Jafo

Na Atley Kuni OR TAMISEMI
 Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo amesema kuanza kwa kozi za ngazi ya Shahada katika Chuo cha Serikali za Mitaa Hombolo kisiwe kigezo cha kuondosha kozi za Astashahada na Stashahada katika chuo hicho.
Waziri Jafo alikuwa akizundua rasmi Bustani ya  Magufuli katika chuo hicho ambapo Bustani hiyo itatumika kuishi na kuenzi mchango wa kiongozi huyo wa Nchi kwasasa ambao ni uzalendo, kujituma pamoja na uadilifu katika kuwatumikia wananchi.
“Nimesikia maombi yenu yakutaka Kuanzishwa kwa kozi za Ngazi ya Shahada kusudi mtu anapo hitimu masomo yake ya ngazi za awali aweze kuendelea, naomba niwambie, tutajitahidi lifanikiwe, lakini angalizo langu kwenu, tutakapo anzisha Degree isiwe sababu yakusitisha kozi zinazoendelea kwa sasa, ikiwepo Astashahada (Certificate) na Stashahada (Diploma) ya kozi mnazo endelea nazo” amesema Jafo.
Waziri Jafo amesema, vyuo vingi vilipo anzisha ngazi ya Shahada na kusahau wataalam wa kada za kati vilichochea kukosekana kwa wataalam wakutosha katika ngazi ya kati hususan mafundi mchundo ambao walikuwa wakizalishwa katika vyuo hivyo.
Katika hatua nyingine Waziri Jafo amewahakikishia Wakurufunzi hao wa chuo cha Hombolo uhakika wa kuajiriwa na Serikali kwa wale watakao fikia vigezo vinavyo hitajika katika nafasi mbali mbali ambazo serikali itatangaza.
 Waziri wa Nchi OR TAMISEMI Mhe. Seleman Jafo (Mb), akizungumza  wakati wa uzunduzi wa mnara wa kuenzi uzalendo wa Mhe. Rais wa awamu ya tano wa Tanzania katika chuo cha Hombolo.




Baadhi ya watendaji wa Chuo cha Serikali za Mitaa cha Hombolo wakati wa zoezi la uzinduzi wa mnara wa fikra za kizalendo za Mhe. Rais Magufu
 Kikundi cha Ngoma za asili cha Swala kitoa borudani wakati wa  wa uzunduzi wa mnara wa kuenzi uzalendo wa Mhe. Rais wa awamu ya tano wa Tanzania, kikundi hicho kinachopatikana katika Kijiji cha Nkoyo, Hombolo ambacho ni maarufu katika mkoa wa Dodoma hususani kudumisha utamaduni wa mtanzania.
Mwonekano wa Mnara wa Magufuli Square, Sehemu iliyojengwa mahususi kwa ajili ya kuenzi uzalendo wa Mhe. Rais John Pombe Magufuli kwa vitendo
 Bodi ya Chuo cha Hombolo iliyo maliza muda wake wakiwa katika picha ya pamoja wakati wa uzinduzi wa mnara wa fikra za kizalendo za Mhe. Rais Magufuli.

KUSOMA ZAIDI BOFYA HAPA


HUDUMA ZA MAJI ZAIMARIKA, TEKNOLOJIA KUONDOA MATUMIZI YA MKAA

Upatikanaji wa maji mijini na vijijini umeimarika kutoka chini ya 50% ya awali kutokana na umakini katika ufuatiliaji wa utekelezaji wa miradi mbalimbali ya maji safi nchini. Aidha, ili kukabiliana na mazingira Serikali imeanza mchakato wa kutumia mifumo ya kisayansi ili kuondoa matumizi ya mkaa majumbani.

Hatua hizo zimebainishwa na Mhe. Isack Kamwelwe, Waziri wa Maji na Umwagiliaji na Mhe. Januari Makamba, Waziri wa Nchi (Ofisi ya Makamu wa Rais-Muungano na Mazingira) walipokuwa wakieleza utekelezaji wa hoja za CAG katika sekta zao.

Akizungumzia hoja kuhusu utekelezaji wa miradi ya maji nchini, Waziri Kamwelwe amesisitiza kuwa tangu Serikali ya Awamu ya Tano iingie madarakani, ufuatiliaji na kuzibwa mianya ya ubadhirifu vimeleta mafanikio makubwa katika utekelezaji wa miradi ya maji mijini na vijijini.

“Sisi kwa upande wetu CAG anatuonesha njia ili tufanye vizuri zaidi. Hadi kufikia Desemba, 2017, upatikanaji wa maji mijini umepanda hadi kufikia asilimia 78. Kwa upande wa vijijini, hadi kufikia Machi 2018, Serikali kwa kushirikiana na wadau mbalimbali, imejenga vituo vya kuchotea maji 123,888 vyenye uwezo wa kuhudumia takribani watu milioni 30 sawa na asilimia 68.8,” alisema.

Waziri wa Maji na Umwagiliaji Mhandisi Isack Kamwelwe akijibu hoja mbalimbali zilizobainishwa katika ripoti ya Mdhibiti na Mkaguzi Mkuu wa Hesabu za Serikali (CAG)  katika Wizara yake mapema mjini Dodoma  wakati wa mkutano na waandishi wa habari ( hawapo pichani).
Waziri wa Nchi Ofisi ya Makamu wa Rais Muungano na Mazingira Mhe. January   Makamba akijibu hoja mbalimnbali zilizobainishwa katika ripoti  ya Mdhibiti na Mkaguzi Mkuu wa Hesabu za Serikali (CAG)  katika Ofisi hiyo mapema mjini Dodoma wakati wa mkutano na waandishi wa habari (hawapo pichani).
Waziri wa Habari Utamaduni Sanaa na Michezo Mhe. Dkt. Harrison Mwakyembe akisisitiza kwa waandishi wa habari (hawapo pichani) kuhusu utaratibu wa Mawaziri wote kukutana na waandishi wa habari kujibu hoja mbalimbali zilizobainishwa katika  ripoti ya Mdhibiti na Mkaguzi Mkuu wa Hesabu za Serikali (CAG)  katika Wizara zao mapema mjini Dodoma.
Mkurugenzi wa Idara ya Habari MAELEZO na Msemaji mkuu wa Serikali Dkt. Hassan Abbasi akifurahia jambo na Naibu Waziri wa Maji Mhe. Jumaa  Aweso  mapema mjini Dodoma wakati wa mkutano  na waandishi wa habari uliowashirikisha  Waziri wa Maji na Umwagiliaji Mhandisi Isack Kamwelwe na Waziri wa Nchi Ofisi ya Makamu wa Rais Muungano na Mazingira Mhe. January  Makamba. (Picha zote  na Frank Mvungi- MAELEZO, Dodoma)


 KUSOMA ZAIDI BOFYA HAPA


ANKO ZUMO: 'NATAMANI KUFANYA KAZI NA EBITOKE'


BONGOMAKINI: Smart Phone kwa Kiswahili ni nini..??


BBC DIRA YA DUNIA JUMATANO 18.04.2018


TAARIFA YA FURSA ZA UFADHILI WA MASOMO


JAMHURI YA MUUNGANO WA TANZANIA
WIZARA YA MAMBO YA NJE NA USHIRIKIANO WA AFRIKA MASHARIKI


Simu: 255-22-2114615, 211906-12
Barua pepe: nje@nje.go.tz
Barua pepe: gcu@nje.go.tz

Nukushi: 255-22-2116600

              

               20 KIVUKONI FRONT,
                          P.O. BOX 9000,
                 11466 DAR ES SALAAM,  
                                   Tanzania.


Wizara ya Mambo ya Nje na Ushirikiano wa Afrika Mashariki imepokea fursa za mafunzo ya muda mrefu kutoka Kamisheni ya Umoja wa Afrika yatakayofanyika katika Chuo Kikuu cha Pan African (PAU).
Mafunzo hayo ambayo yapo kwa ngazi ya Shahada ya Uzamili na Shahada ya Uzamivu yatatolewa katika kozi mbalimbali zikiwemo Baiolojia, Hesabu, Uhandisi, Sayansi ya Afya, Usimamizi wa Mazingira, Sayansi ya Michezo, Mifugo, Uongozi na Mtangamano, Lugha, Ukalimani wa Mikutano na Ufasiri, Uhandisi wa Maji na Nishati.  
Kwa waombaji wa Shahada ya Uzamili wanatakiwa kuwa na  miaka isiyozidi 30 kwa waombaji wanaume na miaka isiyozidi 35 kwa waombaji wanawake. Aidha, kwa waombaji wa Shahada ya Uzamivu wasiwe na miaka zaidi ya 35 kwa waombaji wanaume na miaka isiyozidi 40 kwa waombaji wanawake.
Maombi ya mafunzo haya yanatakiwa kufanyika kwa njia ya mtandao (online) kupitia anuani ya barua pepe ya pau-au.net. Mwisho wa kutuma maombi ya fursa hizi ni tarehe 20 Aprili, 2018. Maelezo ya ziada kuhusu mafunzo haya yanapatikana kupitia pau.scholarships@africa-union.org au www.pau-au.net. Mratibu wa Mafunzo haya ni Wizara ya Elimu, Sayansi na Teknolojia.


50 TECHNICIANS FROM 25 COMMUNITY RADIOS TO BE TRAINED ON PROFICIENCY

The UNESCO Dar es Salaam Office will conduct a 7-days capacity building training on Technical and Equipment Maintenance Proficiency for 50 technicians from 25 community radios in Tanzania Mainland and Zanzibar.

The training, slated for April 19-25, 2018, will take place in Dar es Salaam under the technical support from engineers from the Tanzania Broadcasting Corporation (TBC).

The objective of the training is to build capacity of local radios technicians on technical and equipment maintenance proficiency. Specifically, the training will focus on broadcasting hardware and software thus maintain performance and durability of radio equipment.

The training will contribute to strengthening of local radios and thus ensure their sustainability. Activities to be covered during the training include theory in broadcasting and transmission practical as well as physical mentorship program to seven CRs (Mpanda, Nuru, Mtegani, Micheweni, Tumbatu, Mazingira and Orkonerei).

The capacity building training builds upon the experience from similar training conducted in 2016, whereby feedback from the field indicated that the knowledge gained improved technicians’ skills and status of transmission and broadcasting equipment for each of the community radios. With online troubleshooting of technical equipment through a network of technicians created via WhatsApp and Google accounts, community radios were able to be on-air immediately after identifying a technical problem. This mechanism has helped to reduce costs of onsite repair and troubleshooting within the community radios.

UNESCO with the financial assistance from the Swiss Development Corporation (SDC) supports community radios and the Community Media Network (Tanzania Development Information Organization- TADIO).

Community radios in attendance under the SDC support with their regions in brackets are Nuru FM (Iringa), Pambazuko FM (Morogoro), Fadhila FM (Mtwara) Jamii Mtukwao FM (Mtwara), Loliondo FM (Arusha), Baloha FM (Shinyanga), Kahama FM (Shinyanga) Ileje FM (Songwe) and Tripple A FM (Arusha). In the list are Storm FM (Geita) and Sengerema FM (Mwanza), Kwizera FM (Kagera), Dodoma FM (Dodoma) and Kitulo FM (Njombe). Others are Uvinza (Kigoma), Mpanda (Katavi), Pangani (Tanga), Boma (Kilimanjaro), Mazingira (Mara), Mtegani FM (Unguja South,) Mkoani FM (Pemba South), Micheweni FM (Pemba North) Tumbatu FM (Unguja North), Ruangwa FM (Lindi) respectively.

The training covers 77.4% of all regions in the United Republic of Tanzania.